Kålrot

Sesong: Juli - november

Oppbevaring: I kjøleskap

Rik på: Vitamin C, folat og kostfiber

Bruk: Ein allsidig grønnsak som kan benyttast i mange forskjellige rettar, suppe, lapskaus, gryterettar, wok, råkost eller etast naturell evt med dip.

Kålrot, eller kålrabi, er ein gammal kulturplante som har vore dyrka i Noreg frå midten av 1600-tallet. Kålrot er ein nær slektning av kål som det går fram av namnet, men i motsetning til andre kålsortar er det hos kålrot knollen som vert ete, ikkje blada. Fasongen er rund og størrelsen kan variere frå under 1 kilo til 3-4 kilo. Fruktkjøttet er hardt og fast med ein lys gul farge. Kålrot er rik på C-vitaminer og vert ofte kalla Nordens appelsin. Den har ein mild og fin kålsmak og er anvendeleg til mange rettar.