Tindved

Sesong: Heile året

Oppbevaring: I frysar

Rike på: Antioksidantar, særleg rik på C-vitamin

Bruk: Berre fantasien set grensar; garnityr, dessertar, bakverk, likør, gele, marmelade, saft, sausar, kjøtrettar, fiskerettar, helsekost.

Tindved veks vilt på havstrand langs kysten frå Trøndelag til Troms. Dyrking av tindved er vanleg både i andre europeiske land og i Asia. Planta vert kalla havtorn på svensk og dansk, og buck thorn på engelsk. 

Lærdal Grønt formidlar «Tindved frå Sogn», som einaste grøntmottak med norskdyrka tindved i sitt sortiment. Bæra er saftige og friskt syrlege, med ein fyldig, særprega aroma. Ein liten porsjon bær kan setje ein nydeleg farge og eit framifrå smakspreg på ei mengd rettar.